Huttetu

Heima, der som eg kjem ifrå, er det ikkje så mange andre som bur. Med andre ord så vaks eg opp utan så mange naboar. Det var kjøretur til næraste venn, eller ein utruleg lang sykkeltur. Eg har forhåpentlegvis ikkje tatt så stor skade av det, for det var jo nok av ting å bedriva tida med.

Eit av mine tidsfordriv var å lesa bøker. Masse bøker og ofte bøker som ingen andre hadde hørt om. Grunnen til min ubegrensa tilgang på bøker var den O'store bokbåten Epos. Epos er eit stort skattekammer, nemleg eit flytande bibliotek. Ikkje alle hadde tid til å besøka båten den dagen den var på besøk. Så i kjellaren heima hjå mamma og pappa sto det kassar med bøker som folk kunne låna om dei ikkje fekk lånt på båten. For meg var det berre å springa ned i kjellaren og finna nye bøker når dei gamle var utlest. Spenninga er der fortsatt, når eg er heima kan eg snika meg ned til bokkassen og leita fram nye eventyr.

Her kan de lesa om fenomenet Epos: http://www.bokbaten.no/

Eg kryssa fingrane for at båten kan segla vidare rundt på besøk til folk. For ikkje lenge sidan var det snakk om å legga ned båten. Heldigvis vart den redda av fleire eldsjeler, deriblandt fint folk frå bydn (Bergen). Om dei har brukt for båten er jo ei anna sak. Men båten vart redda og kjem fortsatt på besøk til dei forlatte fjordane her på vestlandet.

Som sagt før så er mange av bøkene som vart lest bøker som få har hørt om. Inntil no trudde eg at ei av favorittbøkene mine berre var noko sært valgt ut av bibliotekaren. Men no er den blitt film! Boka er sjølvsagt om helten min Max og reisa til Huttetuenes land. Eller på engelsk Where the wild things are. Boka er oversatt av sjølvaste Anne Cath. Vestly, originalt skrive og illustrert av Maurice Sendak. Eg huska eg var så redd for boka at eg nesten ikkje tørte å opna ho. Dei kunne jo hoppa ut og ta meg. Men herlighet for ei spennade bok! Eg ramla over traileren rett før jul ein gong og smelta heilt. Hadde nesten gløymt hele boka og vart kjempeoverraska. Fyttigrisen for ein fin film, berre lyset er nydeleg. Premiera er plutseleg, altså den 22. januar. No til helga:)

Trailer finn de her:

http://wwws.no.warnerbros.com/wherethewildthingsare/

Fine filmen, eg gler meg sånn. Håpa berre eg finn nokon som vil vera med;)

Lita oppdatering på Prosjektet:

Badet er nesten ferdig planlagt, rørleggar er kontakta og anbud er mottatt. Flisleggar er i dialog, og jobba med eit prisoverslag. Eller så mangla me elekrikar, men det er lagt ut ein forespørsel på mittanbud.no og me håpa på plutselig napp. Til helga skal me knusa flisene. Kommande torsdag skal me på Kvik og tegna bad pluss kjøkken. Til no ser det ut at budsjettet er i balanse, men for det me veit kan det bli langt dyrare. Huff.

Det som me slit med er kva fargar me skal velga på flisene!? Det blir eit eller anna grått på golvet og eit eller anna lyst på veggane. Men så er det form, tekstur, materiale og tusen andre ting ein må tenka på. Egentlig så hadde eg tenkt meg matte fliser, ala Zen-feeling. Men matte fliser er visst vanskelegare å halda reine. Kven veit, men dei ser fine ut. Det same gjer mosaikkfliser og ikkje minst sånne fine tyrkiske fliser med blått mønster. Om ein berre fekk tak i det.

Skrekken er at det ikkje blir fint i det heile! Tørr ein stola på sin eigen smak eller kan det bli katastrofe? Tenk så pinlig om ein bruka masse penga på badet og så blir det heilt kræsj.

Eg kjenne eit marerittpotensiale her ja.

Kjøkkenet derimot trur eg blir supert. Mr Kitchen Aid redda situasjonen uansett.